NANG makarating ako sa bahay, kaagad akong lumabas ng kotse at nagtatakbo papasok sa loob. Bumungad sa akin ang tahimik na kalooban. I didn't hear any noise. Umiling ako at umiiyak na nagtatakbo patungo sa ikalawang palapag. Nang makarating, dinako ko ang kuwarto namin ni Ryan at malakas na itinulak ang pinto. Pero hindi ko sila nakita. The room is empty.
Lumabas ako ng kuwarto at halos halugkugin ko na ang bahay pero hindi ko sila nakita. Mariin kong ikinuyom ang mga kamao ko at halos magliyab na ang buong katawan ko ng mga oras na iyon. Saan ko sila hahanapin? May naisip akong isang lugar... sa bahay nina Erich.
Dali-dali akong lumabas ng bahay at bumalik sa sasakyan. Halos paliparin ko na ang sasakyan ko dahil hindi ko na alam ang magiging reaksyon ko. Ang lakas ng kabog ng dibdib ko
