"Hestia, you're making me worry. Dadalhin na kita sa hospital." nag-aalala pang sabi ni Raven sa kaniyang asawa dahil halos hindi na umalis ito sa tapat ng toilet bowl kaka-duwal.
Agad naman na umiling si Hestia dahil ayaw niyang makaabala sa asawa. "No, hindi na kailangan na mag-punta ako sa hospital." aniya at tumayo bago nagmumog. "I'm fine. This is just a morning sickness. At pinagdaanan ko na ito noon. Walang pinagbago." Nahihilo man ay hindi niya pa rin mapigilan na mapangiti upang ipaalam sa asawa na ayos lang siya. "Mukhang masyado akong na-excite na pumasok sa company. At masyado akong nagpakampante na hindi masyadong magpaparamdam ang dalawang baby na ito, pero ito, nagparamdam umagang-umaga."
Lumapit si Raven at hinaplos ang tiyan ng kaniyang asawa at hinalikan ang noo nito.
