"S-SA PALAGAY MO... B-BUNTIS NA KAYA AKO?"
Hindi kaagad nakasagot si Arsi sa tanong ko. Pati ang lalaki ay tila pinagbagsakan ng langit at lupa ang hitsura.
Parang pati ito, ay biglang namroblema.
Kundangan naman kasi, at hindi kaagad pumasok sa isipan ko ang posibilidad na iyon.
Tumanda na ako ng ganito, pero pagdating kay Dos, para pa rin akong walang pinagkatandaan. Wala pa rin akong iniwan doon sa dating teenager na Isla, na bigay lang nang bigay, at hindi nag-iisip na magtira, para sa sarili.
"Regla? Niregla ka na ba?" Tanong pa nito sa akin, na bahagyang nagliwanag ang mukha. Tila nakasilip ng kaunting pag-asa.
Kumibot-kibot ang mga labi ko.
Kapagkuwan, ay pabuntong-hiningang marahan akong umiling. "Sa isang linggo pa ang schedule ng next period ko."
Katatapos ko lang kasing
