"WOW! ANG AGA NATIN, AH..."
Mula sa paghahalo ng kape, ay nag-angat ako ng tingin kay Arsi na kalalabas lang mula sa kanyang silid. Mukhang kagigising lang nito. Gulo-gulo pa kasi ang buhok, at nakapantulog pa.
Habang ako ay kauuwi lang mula sa condo ni Dos. Katulad ng ilang beses na naming ginagawa, ay inihahatid ako ng lalaki sa apartment, bago ito uuwi sa bahay ng mga ito, upang i-check naman si Thirdy, na papasok naman sa eskwela, pagkatapos, ay saka pa lamang ito papasok sa opisina.
Kung minsan, ay bigla na lamang itong sumusulpot sa St. John's Montessori sa oras ng tanghalian para sunduin ako, at kumain sa labas, kasama si Thirdy.
Iyon nga lang, ay sa may labas na ng paaralan ko sila kinikita.
Nagkasundo kasi kami ng lalaki na ilihim na muna ang tungkol sa relasyon namin, sa paa
