"HEY, ANGEL..." Medyo may kalakasang untag sa akin ni Dos, na ikinatingin ko rito.
Kalalabas lang ng lalaki mula sa CR. Wala itong saplot mula sa baywang pataas. Tanging puting tuwalya lamang ang tumatakip sa pang-ibaba nitong katawan. Makikita pa ang ilang patak ng tubig na tumutulo sa katawan at mga binti nito, mula sa katatapos lamang na paliligo.
Bahagya pa akong nagtaka nang makitang nakakunot ang noo nito habang nakatingin din sa akin.
Sandali akong natigilan. "H-huh?"
Ikinurap-kurap ko ang mga mata ko, bago natitigilan pa ring nagtanong. "M-may sinasabi ka?"
Lalo namang lumalim ang mga gatla sa noo ng lalaki sa tanong ko. Nahinto pa sa ere ang isang kamay nito sa ginagawang pagkuskos sa buhok upang tuyuin iyon, gamit ang may katamtamang laki na puti ring twalya.
"Are you okay,
