"HI."
Nakakunot ang noo na nag-angat ako ng tingin sa mga bagong dating.
Habang ang mga kaibigan nito ay nagkanya-kanya na nang upo sa mga bakanteng upuan sa harapan namin, si Dos ay nanatiling nakatayo sa tabi ko. May hawak itong canteen tray na naglalaman ng canned drinks at chips.
Inangatan ko ito ng isang kilay.
"Makiki-share sana kami ng mesa?"
Inilipat ko ang tingin sa mga kaibigan nito na kaswal nang kumakain at nagkukulitan sa harapan namin. Pati nga si Blessy ay kinukulit na ng mga ito. Saka ko ibinalik ang tingin ko rito.
"Nakaupo na sila."
Napapailing na tumuon din doon ang tingin ni Dos. Bago hinila ang isang upuan na malapit sa akin.
"Makakapal ang mukha ng mga iyan." Komento pa nito.
Nanghahaba ang ngusong binalingan ito ni Dash na narinig pala ang sinabi niya. "Anon
