BAGO PA LAMANG NAMAMANAAG ang liwanag sa Silangan ay bihis na ako, at nakahanda na ang lahat ng gamit na dadalhin ko.
Ang totoo, ay kagabi ko pa naihanda ang mga ito, pati na rin kung ano ang isusuot ko ngayong pag-alis ko. Kinakantiyawan nga ako ni Biboy kagabi, na baka hindi raw ako makatulog sa sobrang pagka-excited ko.
Panay pa ang gatong kay Nanay na isama raw dapat siya para may bantay ako.
Pulos irap at paninikmat tuloy ang inabot nito sa akin.
Tawa naman nang tawa ang loko. Talagang inaasar lang ako.
Ang usapan namin ni Dos, ay susunduin ako ng driver nina Coleen, kasama ang dalaga, para sakali at may makakita, babae at hindi lalaki ang makikitang sumundo sa akin.
Mamaya pang alas siyete ang usapan. Pero mag-a-alas sais pa lang ay bihis na bihis na ako. Hindi ko nga maalala k
