HINDI KO NA MABILANG kung naka-ilang buntong-hininga na ba ako, simula pa kanina. Kailangan kong gawin iyon, para kahit na papaano ay pakalmahin ang malakas na kabog ng dibdib ko.
Pakiramdam ko nga, ay para na akong magkakasakit sa puso, sa sobrang kaba.
Kanina ko pa kasi pinakikiramdaman ang mood ni Nanay. Nakikiramdam ako ng tamang pagkakataon para magpaalam, para nga sa birthday ni Coleen, na gaganapin pa raw sa Batangas, sa darating na Sabado.
At Huwebes na ngayon. Noon pa akong Lunes ng gabi naghahanap ng tiyempo, pero hanggang ngayon ay hindi ko pa rin magawang magpaalam.
Kinakabahan kasi talaga ako na hindi ako nito payagan. Nakakahiya naman kay Coleen, kapag nagkataon. Isa pa, ay gusto ko rin naman talagang sumama.
Kanina lang ay nagkita kami ng babae sa school, nang magpasa a
