"NAKU, SIGURADO AKO, tulog pa iyong mga 'yon." Ani Coleen pagbaba namin ng sasakyan at naglalakad papalapit sa nakasaradong pintuan ng tambayan. "Ano'ng oras na kagabi, kausap ko si Cas, umiinom pa sila."
Naiiling na ipinaikot pa nito ang mga mata.
Saradong-sarado pa nga naman kasi ang buong kabahayan. Pati mga blinds ay nakababa pa. Indikasyon na tulog pa nga ang mga tao sa loob.
Inilabas nito mula sa sling bag na nakapaikot sa katawan nito ang sariling susi at saka isinuot sa door knob. Saka itinulak pabukas ang pintuan.
Nakangiting lumingon pa ito sa akin. "Come on. Manggising na tayo."
May maliit na ngiti sa mga labi na mahina lang akong tumango rito.
Katulad ng sinabi ni Coleen, pagbukas nito ng pintuan ay bumungad sa amin ang natutulog pang magkakaibigan. Kanya-kanya ang mga it
