"HI, BABE!"
Mula sa pinipirmahan kong mga papeles ay kunot ang noo na nag-angat ako ng tingin sa direksyon ng pintuan nang walang babalang bumukas iyon, at iluwa si Charity. Kasunod nito ang sekretarya kong si Minda, na bakas sa mukha ang labis na pag-aalala.
"Ahm, S-sir... pasensya na po, hindi ko po siya kaagad napigilan. Dere-deretso na lang po kasi siyang pumasok--"
Kaagad naman itong sinibat ng matalim na tingin ni Charity na siyang nagpatahimik dito.
"And who do you think, you are, para pigilan ako sa pagpasok?" Naka-arko ang isang kilay na sikmat pa nito sa babae.
"P-pero Ma'am..."
Napapailing na napahinga na lamang ako ng malalim. Binitiwan ko na ang hawak kong ballpoint pen sa ibabaw ng mga papeles at pabagsak na isinandal ang likod ko sa backrest ng swivel chair.
Wala pa
