"HI."
Nangunot ang noo ko nang saglit lang na mag-angat sa akin ng tingin si Thirdy, bago muli ring yumuko sa magkasalikop nitong mga palad sa sariling kandungan.
Ni hindi ito ngumiti. Wala rin ang masiglang pagbati, na nakagawian na nito sa tuwing magkikita kami.
Sa tingin ko pa nga, ay bahagya pa itong nakasimangot.
Mayroon na akong isang buwan na nagtuturo dito sa St. Mary's. At sa loob ng isang buwan na iyon ay hindi lang iisang beses na nag-krus ang aming mga landas.
At aaminin ko, na kadalasan ay sinasadya ko.
Ilang beses ko na rin itong sinadya sa classroom nito upang bigyan ng ginawa kong chicken sandwich, na ayon sa yaya nito nang pasimple kong tanungin, ay paborito raw nito.
Tinanong ko pa noon ang babae kung papaano ang eksaktong timpla na nais nito sa chicken spread. Na
