I KISSED HER.
Paulit-ulit na nag-e-echo sa isipan ko ang mga katagang iyon, na inamin sa akin ni Dos, kani-kanina lang.
Hindi ko alam kung papaano kong natiis at natagalan ang presensya ng ex nito kanina, habang kumakain kami sa tabing dagat, kasama ang mga kaibigan nito, at mga kaibigan ng babae.
Sa tuwing bubuka ang bibig ng dalaga, pakiramdam ko ba ay mayroon itong nais na ipakahulugan.
Sa isip ko ba, ay mayroong alam ang mga ito na hindi ko nalalaman.
Huwag nang idagdag pa ang makahulugang tinginan mula mismo kay Dos at sa mga kaibigan nito.
Doon pa lang, alam ko na kaagad na mayroon ang mga itong hindi sinasabi sa akin.
At hindi ko kaya ang ganoon.
Ayoko nang para akong bulag na naglalakad, ngunit hindi ko nakikita ang nilalakaran ko.
Mas gugustuhin ko pa na aminin nito sa ak
