"OKAY KA LANG?"
Nilingon ako ni Dos, at bahagyang kinunutan ng noo.
Hindi ko naman inalis ang nagtatanong kong tingin dito.
"Yeah. Why?"
Nagkibit ako ng mga balikat. "Para kasing hindi. May problema ba?"
Umangat ang isang kilay nito, kapagkuwan, ay ang gilid ng mga labi. "Dami mong alam."
Halata ang pagpipilit na gawing kaswal ang tinig.
Maliit lang akong ngumiti na hindi naman umabot sa mga mata.
Hindi ko alam, pero malakas talaga ang kutob ko na may mali sa nangyayari.
Mula pa lamang noong mag-sorry sa akin si Coleen kanina, dahil sa presensya ng dating nobya ni Dos, naisip ko... na parang may hindi tama.
Oo nga, at ako na ang nobya ni Dos ngayon. Pero siyempre ay wala naman akong karapatan na pakialaman kung sino ang nais nitong imbitahin at hindi, sa kaarawan nito.
Isa pa, s
