"WHAT DO YOU WANT, ANGEL? Ano ang problema? Bakit ka nagkakaganyan?"
Kinagat ko ang pang-ibaba kong labi. Pinag-iisipan ko kung papaano ba sasagutin ang tanong ni Dos nang hindi ko maipagkakanulo ang aking sarili.
Pinag-iisipan ko kung dapat ko na bang sabihin dito kung ano ang gumugulo sa isipan ko.
Papaano kasi kung hindi naman pala?
Paano kung mali naman pala kami ng hinala? Kung masyado lang nag-overthink si Arsi?
Hindi ba parang nakakahiya? Todo emote ako, todo arte, iyon naman pala, false alarm lang.
Lihim akong napangiwi sa naisip.
Mataman naman na nakatingin sa akin ang lalaki. Tila ba pilit na inaarok ang nasa kalooban ko.
Ilang sandali na nilimi ko ang mga salita sa isip ko. At sa huli nga, ay wala na akong nagawa kung hindi ang sabihin dito ang hinala naming dalawa ni Ar
