DAMA KO PA rin ang ngitngit sa dibdib ko hanggang sa makapasok ako sa silid ng condo unit ni Dos. Idiniretso ko muna ang mga sinamsam kong hinubad naming damit sa laundry basket, bago nagtuloy na ako ng CR para maglinis ng katawan.
Ramdam na ramdam ko ang panlalagkit ng pinagsamang pawis at katas namin ng lalaki mula sa katatapos lamang na pagtatalik.
Para pa rin akong si Eba na naglalakad sa paraiso, na wala kahit na ano mang saplot sa katawan.
Dalawa lang naman kami ni Dos dito, kaya wala naman akong kailangang pangilagan.
At dahil nga wala naman akong damit na kailangan pang hubarin, pagpasok ko pa lamang ng CR ay dumeretso na ako sa loob ng shower enclosure. Itinapat ko na ang aking hubad na katawan sa ilalim ng dutsa. Binuksan ko iyon at tumingala, upang itapat sa lumalagaslas na
