HINDI KO ALAM KUNG ANONG ORAS NA, pero sigurado ako na madilim pa sa labas nang magising ako na mag-isa lang na nakahiga sa kama.
Masakit na masakit ang ulo ko at pakiramdam ko ay umiikot pa ang paligid sa tuwing susubukan kong imulat ang mga mata ko.
Dahan-dahan, iniunat kong muli ang braso ko at kinapa ang espasyo sa tabi ko, ngunit talagang mag-isa lang ako.
Pikit pa rin ang mga matang pinakiramdaman ko ang paligid.
Tahimik na sa labas. Wala na akong naririnig na malakas na musika, bagaman mayroon pang mangilan-ngilan akong nauulinigan na mga nagsasalita at nagtatawanan.
Marahil ay natapos na rin sa wakas ang party.
Nasaan kaya si Dos?
Bumalik ba ito sa party noong nakatulog ako?
Ang pagkakatanda ko kasi, bago ako natulog ay nasa tabi ko ito. Hindi lang masyadong malinaw, ngunit
