HALOS MALAPIT NANG MAGTANGHALI nang kahit na papaano ay umayos-ayos ang pakiramdam ko, at makalabas kami ni Dos ng silid.
Matiyaga akong binantayan ng lalaki, at hindi iniwan kahit na anong taboy ko rito para lumabas at sumali sa pagkakasiyahan ng mga kaibigan nito, na naliligo raw sa dagat.
Ayon dito ay mabisa raw iyong pantanggal ng hang-over. Niyayaya nga ako nito na subukan ko raw, iyon nga lang ay hindi ko talaga alam kung papaano akong makakarating man lang sa tabing dagat, sa labis na pagka-hilong nararamdaman ko kanina.
Bilib nga ako sa mga ito. Nasisiguro ko na buong magdamag ang mga itong nag-inom. Pero bakit parang ang bilis nilang naka-recover?
Kahit naman si Dos. Nagising ako ng madaling araw na wala ito, kaya't nasisiguro ko na bumalik ito sa kasiyahan sa labas, nang maka
