"TCH. HMMM..." kahit nakapikit ay ingit ko nang maramdaman ko ang pamamanhid ng isang braso ko.
Para bang may nakadagan doon, na hindi ko mawari.
Sinubukan kong iunat iyon, upang dumaloy ang naipit na dugo, ngunit bigo ako.
Nangunot ang noo ko.
Bakit parang biglang sumikip ang hinihigaan ko?
Sinubukan kong gumalaw. Ngunit pati ang katawan at mga binti ko ay hindi ko maikilos. Para bang may mabigat na bagay na nakadagan sa mga iyon.
Ang lapad-lapad ng sofa, sa sala ng condo ni Dos, kung saan, ang pagkakatanda ko ay siya kong nilipatan ng higa kaninang nag-walk out ako sa silid nito, pero parang bigla iyong sumikip. Pakiramdam ko ay sukol na sukol ako, at nakasiksik na sa sandalan, na siyang dahilan kung bakit ako nahihirapang gumalaw.
Muli, ay isang mahinang pag-ingit ang kumawala sa
