"WHAT THE HELL WAS THAT, ISLA MARIE?"
Kagat-kagat ko ang pang-ibabang labi ko. Hindi ako makatingin ng deretso kay Arsi, habang para itong inahing pusa na hindi mapakali, at pabalik-balik na naglalakad sa harapan ko.
Nasa baywang ang isang kamay nito, habang ang isa ay may pakumpas-kumpas pa sa ere, na akala mo ba, ay isang krimen ang nagawa ko.
Pigil na pigil ko ang pag-ikot ng aking mga mata rito. Sigurado ako na lalo lamang itong mag-aalsa.
Ni hindi ko nga makuhang makasagot.
Naka-alis na si Dos. Iyon nga lang, ay inabutan kami nito na nag-me-make out sa sofa, dito mismo sa sala ng apartment namin.
Napakakulit naman kasi ng lalaking 'yon. Sinabi ko na, na maglubay na, at paparating na ang kasama ko rito sa bahay, ay hindi pa rin ako tinigilan.
"Baka akala mo, teenager ka pa rin n
