BAKLA KA, TRAYDOR KA TALAGA!
Hiyaw ng isip ko, na ipinapanalangin kong maka-abot sana sa radar ng marupok kong kaibigan.
Pigil na pigil ko ang mariing mapapikit, dahil baka kung ano ang isipin ng kaharap ko, habang hindi ko namamalayan na pigil-pigil ko na rin pala ang aking paghinga.
Pambihira! Ang lakas pa naman ng kompiyansa ko na hindi ako nito ipagkakanulo sa kahit na ano pa mang makamundong bagay sa ibabaw ng lupa.
Naniniwala rin ako na matibay na ang pagkakaibigan namin nito, na nakahanda itong magpakain sa leon, mailigtas lamang ako sa tiyak na kapahamakan.
Hayun, at nakakita lang ng gwapo, nakalimutan na kaagad ang pangako nito sa nanay ko, na siya na raw ang bahala sa akin dito sa Maynila!
Humanda ka talaga sa akin, mamayang pag-uwi mo, Arsenio Marasigan, Jr.! Sinigang na b
