EARLIER
"Oh, Paps, nasaan na kayo?" Bungad kaagad sa akin ni Dash nang sagutin ang tawag ko. "Malapit na ba kayo? Aba'y bilis-bilisan n'yo, at malapit nang maubos ni Casper yung paborito mong sisig. Ginawang kanin, eh. Tngina."
"Ulòl! Anong ako? Mas maraming nakain si Vance, kaysa sa akin! Makaturo, ah!" Narinig kong protesta naman ni Casper sa hindi kalayuan.
Malakas namang nagtawanan, at kanya-kanyang kantyaw kay Casper ang iba pang mga naroon.
Pinakamalakas ang kay Vance na siyang itinuturo nito.
Kung sa ibang pagkakataon ay baka nakitawa at nakikantyaw din ako sa mga ito. Pero dahil sa pinagsamang inis at tensyon ko ay hindi ko man lang nakuhang mangiti.
Sa halip ay; "Change of plans, mga Paps..." walang kaemo-emosyon kong sabi.
"What do you mean, change of plans?" Natitigilang
