MATAPOS makapagbihis ay lumabas na kami ni Dos, mula sa silid nito, saka bumaba, para anito, ay mag-almusal.
Nakaluto na umano ito ng sopas kanina, bago ito naligo at nahiga, saka nakatulog muli. Panigurado raw kasi na maghahanap ng mainit na mailalaman sa tiyan nila ang mga kaibigan niya, pagkagising, kaya iyon ang iniluto niya.
"Ayos, ah! Hindi man lang kami ginising." Sumbat dito ni Casper pagbaba namin. Nakabusangot ang mukha nito at mukhang masakit pa ang ulo, dulot ng hangover.
Ang iba nitong mga kaibigan ay nagpapalitan pa rin ng mga mahihinang paghilik. Ganoon pa rin ang mga pwesto, kung papaano kong nakita kanina.
Umangat ang gilid ng mga labi ni Dos dito, bilang pag-ismid. "May binilin ka ba?"
Inirapan lang ito ng lalaki, saka muling ipinikit ang mga mata at hinilot-hilot an
