"HEY..."
Namumungay ang mga matang nilingon ko si Dos. Nakasandig dito ang kalahati ng katawan ko. Nakapaikot naman ang isang braso nito sa baywang ko, habang pinapatakan ng maliliit na halik ang leeg at balikat ko.
"Hmm...?"
"Drunk already? Hmmm...?"
"Uhmmm..." sa kabila ng bahagya nang pag-ikot ng paningin ko ay nakangiti pa akong umiling dito.
Pizza, pasta at chicken na lang ang in-order naming pagkain. Hindi na ako nag-suggest pa ng masyadong mabigat sa tiyan sapagkat sumubo naman na ako kanina bago ako umalis ng apartment namin ni Arsi.
Nagluto kasi ang huli ng tinolang manok, at hindi ito pumayag na hindi ako kumain man lang, kahit pa nga ba, sinabi ko na, na lalabas kami ni Dos para mag-dinner.
"Naku, kumain kang bakla ka! Dahil natitiyak ko na hindi ka makakakain ng maayos m
