"Asar naman! Bakit ba ayaw tumigil nitong luha ko?" Marahas niya itong pinahid ng kanyang mga palad, kundangan naman kasing hindi niya napigilang mapaiyak ng makaharap niya si Ferdz.
Kanina habang nakatitig ito sa kanya, hindi lang nito alam kung gaano katinding parusa para sa kanya ang mga titig na iyon ng binata.
"Oo na, aaminin ko na! May gusto na ako sa'yo, hindi ko alam kung kailan, paano, bakit at habang tumatagal ay mas lalo pang lumalalim ang pagtingin ko sa'yo. Pilit kitang iniiwasan dahil ayokong malaman mo, dahil alam ko namang hindi ka magkakagusto sa isang panget na kagaya ko."
Ito ang mga katagang gusto niyang sabihin dito kanina ngunit hindi niya nagawa dahil alam naman niyang mapapahiya lang siya. Gagawin lang katawa-tawa ng mayabang na Ferdz na iyon ang pagtatapat ni
