“Ate, hindi ka pala nakapasok sa restaurant?” mahinhin na tanong ni Clara.
“Oo, may pinuntahan lang ako. Ikaw maaga ka yata?” tipid na sagot ko naman, matapos ay lumapit ako sa may mesa at umupo sa monoblock.
“Wala ang professor namin sa last subject, Ate.” Sabi ni Clara matapos ay napansin ko na may gusto istong sabihin. “A-ahm,..”
“Bakit, Clara?” kunot noo na tanong ko sa kapatid ko.
“Ate, may problema ka ba na hindi sinasabi sa amin? Napapansin kasi namin ni Janna na parang may dinadamdam kang iba... bukod sa pagkamatay ni Noah.”
Natigilan ako sa sinabi ni Clara. Hindi pa ako handa na sabihin sa kanila na buntis ako. Ayokong bumaba ang tingin nila sa akin. Ang ginawa kong pagbebenta ng katawan ay inilihim ko sa kanila dahil ayokong husgahan ako. Pero dahil sa nangyari sa akin, al
