Sa narinig ay umalpas ang maliit na ngiti sa labi ko, nagmistulang teenager ako ngayon kung kiligin at parang tuod na kinagat ang pang-ibabang labi upang pigilan ang sarili.
Nababaliw na ba ako? I mean, totoo na ba itong nararamdaman ko kay Evan? Na talagang mamahalin ko na siya?
Pagak akong natawa sa sarili at binalak na sampalin ang pisngi, baka sakaling magising ako sa katotohanan gayong para lang akong nananaginip. At kung panaginip man nga ito ay sana huwag na akong magising.
Wala pa man sa kalahati ng pagmamahal na noo'y inilaan ko kay Jaxon, pakiramdaman ko ay punung-puno na ang puso ko. Simula pa lang ito pero nag-uumapaw na ang tuwa at saya sa kabuuan ko.
Napatitig ako kay Evan mula sa salamin, makinang ang parehong mata nito na para bang may nagbabadyang luha roon habang ang
