Kabanata XIV: Arrival
|Maria|
"IDDA."
Mabilis na inalis ng babaeng nasa harapan ko ang tingin sa akin. Napatingin ito sa kung sino man ang nasa likuran ko, umaliwalas ang mukha nito at naglakad palampas sa akin. Mabilis ko siyang sinundan ng tingin hanggang sa matagpuan ko siyang tumakbo palapit kay Lucas.
"Lucas!" masayang sambit nito sa pangalan ng asawa ko. Tuluyan na itong nakalapit kay Lucas at mabilis itong niyakap, pero hindi ko inasahan ang sunod nitong ginawa.
She kissed my husband.
Kumuyom ng wala sa oras ang kamay ko. May kung anong sumipa sa puso ko dahil sa nakita. Mabilis lang iyon, pero parang may kung ano sa loob ko na hindi nagustuhan sa nakita ko.
"I missed you Lucas! Hindi ka na nakakabisita sa Hansea!" dinig kong sambit nito habang hindi inaalis ang pagkakayakap
