Kabanata XI: Attacked
|Maria|
ILANG beses akong naaalimpungatan kapag nararamdaman kong gumagalaw si Lucas. At kada paggising ko sa pagkaka-idlip ay pinupunasan ko ang sugat nito.
Napapansin ko na unti-unti na itong naghihilom. Nagulat pa ako ng mapansing halos pagaling na ito, pero naalala kong isang lobo nga pala si Lucas. Medyo pumapantay na rin ang paghinga nito, bumabalik na ang kulay ng labi nito.
Napabuntong hininga ako at bumalik sa pagkakaupo ko. Isinandal ko ang aking likuran sa upuan at hindi maiwasang hindi mapabuga ng malalim na hininga. Mariin kong ipinikit ang aking mga mata, bumibigat na iyon dahil sa antok. Ginalaw-galaw ko ang aking leeg at balikat, lihim akong napadaing dahil sa pangangalay ng mga 'yon. Minulat ko ang aking mga mata at napatingin sa orasan. Pasado al
