"Kailan ka uuwi, Ate? Miss na miss na kita," ani ni Daniel sa kan'ya.
Natigilan siya sa tanong na iyon ng kapatid. Naikagat niya ang labi para pigilan ang nagbabadyang luha. Ito ang unang nag-video call sa kan'ya nang araw na iyon. Late na kasi siya natulog kaya hindi niya natawagan ito ng maaga.
"Kapag maluwag na ang schedule ni Ate, uuwi ako d'yan. Ano bang gusto mong ibili ni Ate na pasalubong sayo, ha?" tanong niya sa kapatid kapagkuwan.
Biglang lumiwanag ang mukha nito sa sinabi niya. Ang dami nitong sinabing toys. At lahat iyon tinake-note niya.
Kompleto na naman ang araw niya dahil napasaya niya kahit papaano ang kapatid. Pero mas lalo itong sasaya kung nasa tabi siya nito. Pero hindi puwede. Kailangan niyang kumayod para sa mga kapatid. Makakahinga siya ng maluwag kapag nakapag
