Simula nang araw na iyon. Naging tahimik si Diane. Ngumingiti lang siya kapag nasa paligid si Ezekiel. Pero kapag nag-iisa, malungkot siya. Ayaw niyang ipahalata na may dinadamdam siya.
Iniiwasan niya ang ina ni Ezekiel na narito pa rin sa Manila. Nakailang text ang ginang sa kan'ya pero hindi niya magawang makipagkita dito.
Napaayos siya ng upo nang bumukas ang pinto. Iniluwa no'n ang binata. Ang guwapo at kisig nito sa suot na suit. Nagpaalam ito na a-attend ng party kanina.
"What do you think, Love?" tanong nito at itinaas ang dalawang kamay para makita niya ang kabuuan nito. Slim tuxedo suit ang inner nito na kulay abuhin, na pinatungan ng vest button jacket coat. Nakalilis iyon hanggang siko.
"Pogi. Guwapo. Handsome? Okay na?" nakangiting sabi niya at nilapitan ito.
Ikinawit
