Hanggang sa nakaalis na si Nanay ay hindi pa rin ako makahuma. Ni hindi ko tuloy natanong man lang ang pangalan niya. Magkahalong pagkamangha at inis ang nararamdaman ko. Kinuha ko ang cellphone sa bulsa ng suot kong dress at hinanap ang pangalan ni Zyair sa contact list ko.
Ng akma ko ng idadayal ay bigla akong nag-alangan. Tama bang komprontahin ko siya sa cellphone? Napabuga ako ng hangin at pinatay na lang ulit ang phone. Pupuntahan ko na lang siguro siya sa condo niya at kakausapin. Kahit papa'no ay nami-miss ko na rin siya. Simula kasi ng matapos ang sinasabi niyang two weeks na leave sa trabaho ay hindi na kami madalas magpanagpo..
Nakakapagtakang hinahanap ko na rin ang presensiya niya. O, nasanay lang talaga akong palagi siyang nakikita noon. Kung minsan pa nga ay basta na lang
