“MAS masarap 'tong isang 'to kaysa naman diyan sa isda na hawak mo,” pagyayabang ni kuya Clynt kaw Vice habang kumakain ng hipon.
Kasalukuyan kaming nag-aagahan hindi kalayuan sa dalampasigan. Gusto raw kasi nila ng magandang view at malamig na simoy ng hangin para naman daw mawala ang kani-kanilang mga hangover. Kasama na ako roon. Kahit ngayon ay nararamdaman ko pa rin ang pagkirot ng ulo ko.
“Wala pa ring tatalo sa inihaw na isda, Clynt!” sambit ni Tads sa kanya.
“Palibhasa kasi ay laking China ka. Gusto niyo iyong mga imported na pagkain,” ani Vice.
“Pinagtutulungan niyo ba akong dalawa, ha, love birds? Ang mamahal ng seafoods sa China, ngayon na nga lang ulit ako nakatikim nito, eh!” nakangusong pagtatanggol ni kuya Clynt sa sarili niya.
Totoo naman ang mga sinabi ni kuya. Ang ma
