TADDIAH's POV
(Tads)
NAKATANAW lamang ako sa maganda at napakalawak na dagat. Nakangiti ako habang pinagmamasdan ang mga batang naglalaro sa buhangin. Gumagawa sila ng sand castle ngunit biglang umalon kaya agad ding naglaho iyon. Bahagya akong natawa dahil do'n.
“Anong nginingiti-ngiti ng pinakamamahal kong girlfriend?” Tumabi si Vice sa tabi ko at saka nito kinurot iyong pisngi ko.
Nagtanggal ako ng sunglasses at isinandal na ang likod ko sa kinauupuan ko. Nadatnan kasi ako nitong nagsa-sunbathing. Ayoko namang baliwalain ko ito at hindi kibuin dahil nga matampuhin siya.
“Wala naman. I am just enjoying here while watching those kids!” Itinuro ko iyong mga batang naglalaro hindi kalayuan sa amin. Natawa ako nang bahagya dahil nga roon sa ginagawa nilang sand castle na inaalon ng dag
