CASZIANNA ZEID'S POV
(Ziana)
ANG aga kong nagising kaya lumabas na ako ng kuwarto. Nakaligo at nakapag-ayos na ako lahat-lahat. Nakatanggap kasi ako ng mensahe kay Zwei na baka gusto ko raw munang dumaan sa coffee shop bago dumiretso kina Tads.
Nagpa-appointment ako sa kanya dahil doon sa teaming up namin sa business na ipatatayo ko. Siya kasi ang naghahanap ng mga tauhan ko para sa photography team. Noon pa man iyon na ang gusto ko, ang magkaroon na sariling studio.
Bababa na sana ako nang mapansin kong nakabukas ang kuwarto ni Dana. Hindi pa ako tuluyang bumaba. Sinulyapan ko si manang na nakaupo sa sala habang umiinom ng kape.
Bahagya akong bumaba at tinanong ito. “Manang, na-nakita niyo po ba si Dana?”
Kumunot ang noo nito kapagkuwan ay mabilis na umiling. “Kanina pa ako rito
