HINUBAD KO ang jacket ko nang makarating kami sa condo nila Tads.
“Ziana... may sugat ka!”
Napahinto ako nang marinig ang mga katagang iyon kay Tads. Itinuro nito ang kaliwang braso ko kaya agad akong napalingon doon. Medyo malaki ang natamo kong sugat at dinurugo na iyon. Saan ko kaya ito nakuha? Marahil sa pakikipaglaban kanina.
Umupo kami ni Tads sa sofa at sinimulan niyang gamutin ang sugat ko. Nanatili akong nakatulala sa kawalan.
“Ano ba kasing pinaggagagawa mo sa buhay mo, ha?! Minsan mababalitaan ko na lang na nakipag-away ka... minsan naman nasa ospital ka! 'Yong totoo, Ziana, ano bang nangyayari?!”
Sandali kong sinulyapan si Tads. “Napa-away lang ako kanina,” kalmadong tugon ko sabay iwas ng tingin.
“Napa-away lang? Lang? Ziana, ano bang ginagawa mo sa buhay mo?! Kasi ak
