Maingat na inilinga-linga ko na ang paningin sa paligid kahit pa pakiramdam ko ay para akong nakalutang sa alapaap. Hinahanap ko na kung saan naka-park ang sasakyan ng aming driver. Lumipas pa ang ilang minuto at nanatili lang akong nakatayo doon. Feeling ko ay oras na ang lumipas ng ginawa kong paghihintay. Hindi na ako mapalagay. Ibang-iba na ang pakirdam ko. Gusto ko ng makaalis ng lugar para makahinga na ako.
Saan ba siya nag-park?
Hindi niya ba ako nakikitang naghihintay?
Nagusot pa ang aking mukha. Bumabangon na ang lihim na inis sa driver dahil hindi makisama.
Ako pa ba ang kailangang mag-adjust sa amin?
Asan na ba siya?
Bunga ng matinding kaba na hindi pa magawang humupa ng mga sandaling iyon ay nabitawan ko ang cellphone. Maingay na bumagsak iyon sa sahig. Nagmamadali ko
