Sunod-sunod akong napalunok ng laway habang mas tumitindi pa ang kabog ng puso na animo ay minamartilyo sa buhos ng mga katanungan. Kulang dito ang salitang nagulantang upang ipaliwanag ngayon ang aking nararamdaman.
Totoo ba talagang impostor lang ako ni Eloise?
Idilat mo ang mga mata mo. Nasa harapan mo na ang sagot. Huwag kang magbulag-bulagan!
Hindi sinasadyang namuo na ang luha sa aking mga mata. Feeling ko sa mga sandaling iyon ay gumuho ang stable na mundo ko bilang tao.
Hindi ba talaga ako ang asawa ni Israel Monroe?
Tama ba ang kutob ko simula pa lang noong una?
Hindi ako ang kilalang Eloise ni Israel dahil ang lakas ng kutob ko na ang totoong Eloise ay iyong kasama mismo ni Dannie ngayon. Substitute lang ako. Panakip-butas. Impostor. Imposible naman na e-entertain ang b
