Maingay na biglang bumukas ang pintuan ng banyo. Maliit lang ang lugar na iyon kumpara sa silid namin ni Israel. Nasa labas ng kwarto ang banyo, malapit sa may living room. Nang marinig ko iyon ay agad nabaling na dito ang buong atensyon ko bago pa man ako makasagot sa labis na naguguluhang katanungan ni Dannie. At gaya ng inaasahan ko ay bulto ng isang babae na kamukhang-kamukha ko ang lumabas na doon. Walang kahit na anong expression ang mga mata niya. Kalamado rin siya, parang inaasahan niya na anumang oras ay magpapakita ako sa kanila.
“May bisita pala tayo.”
Natutop ko na doon ang bibig. Akala ko ay ready na akong makita siya sa malapitan, ngunit hindi pala. Para akong nananalamin sa hitsura niya. Binigyan niya ako ng tingin na parang araw-araw niya iyong nakikita sa aking mukha. Bo
