Tinaniman ko ng munting mga halik ang noo niya. Maliit siyang ngumiti. Halata sa mukha ni Lilo na gusto ang ginagawa ko. Patuloy kong hinagod ang likod niya habang inaayos ang blanket namin. Nang maramdaman na tulog na siya ay marahan kong kinuha ang cellphone upang ituloy ang mga ginagawa at mag-reply sa goodnight message ni Israel. Sinabi ko dito na matutulog na ako ng maaga kahit na hindi naman. Ang hindi niya alam ay may iba pa akong gagawin after niyang hindi na mag-reply sa akin. Nang gabi ‘ring iyon ay nagawa kong makuha ang address ni Dannie sa isa sa mga post niya na may location tagged.
“After ten years, nakuha rin kita!” bulalas kong nag-inat ng dalawang braso upang i-release ang ngalay na nararamdaman ko. “Tapusin na natin ang kung anong gumugulo sa isipan ko. Maawa ka sana
