ISRAEL POV
Hinintay kong sumagot si Eloise sa tanong ko. Ngunit kahit na anong piga ko sa kanya ay wala akong nakuha. Puno pa rin ng pagdududa ang puso ko na nakalimutan niya ang lahat. Siguro ay ng dahil ito sa mga ginawa niya kaya ganito ako. Umaasa pa rin ako na nagpapanggap lang siya sa mga detalye ng buhay na ayaw niyang maalala upang takasan niya ang kasalanan at kahihiyan.
“Bakit hindi ka makasagot?”
Mataman kong pinagmasdan ang maamo niyang mukha. Ang mga mata niyang minahal ko noon ay inosenteng nakatingin sa akin kagaya noong una kaming magkita. Nagkakilala kami parehong nasa college. Kapwa estudyante at puno ng pangarap. Unang girlfriend ko siya kung kaya minahal ko nang sobra. Maganda siya at pinipilahan ng mga manliligaw, pero swerte ko na ako ang sinagot. Masaya kami noong
