Nakaramdam tuloy ako ng hiya kay Mikee. Baka isipin niyang salawahan ako at maharot na babae. Sana ay maalala niyang pagpapanggap lang ito para sa misyon ko. Ayokong magalit sya sa akin. Sa mesa ay nasa gitna ako nina Marco at Mikee. Naloka naman ako sa dalawang ito.
Asikaso ako ng dalawa. Si Marco ang naglagay ng sinigang sa aking bowl at si Mikee ang naglapag ng kanin at chicken sa aking plato.
“Kaya ko na’ to, ok. Kain na kayo,” saway ko sa dalawa na parang nagpapaligsahan sa pag-aasikaso na parang mga sira.
“Isay, pumapayat ka lalo.” puna nanaman ni mommy.
“Wala kasi syang gana kapag wala ako,” sabat ni Marco.
“Agahan mo ang pag uwi para nagkakasabay kayo sa pagkain. Masarap kumain kapag may kasabay.”
“Puro ka yata trabaho Marco. Give time to your wife. Magdate kayo minsan,” payo
