TANGING kutsara, tinidor, at plato lamang ang maingay sa mga oras na ito. Walang nagsasalita sa aming tatlo. Kaharap ko lamang si Iggy habang ang kanyang mommy nama’y nasa harapan naming dalawa.
“I miss these homemade dishes of yours, Mom.” Panimula ni Iggy upang mabawasan ang awkwardness sa namumuo. Sumulyap ang kanyang Mommy sa kanya bago uminom ng tubig.
“Bakit mo nasabi? Hindi ka ba pinapakain ni Floraluna rito?” tanong ng kanyang Mommy. Napatingin naman si Iggy sa akin saka sumilay ang ngiti sa kanyang labi. Hindi ko malunok ang nginunguya ko sa takot na baka pahiyain niya ako sa Mommy niya.
“Pinapakain naman po lalong lalo na kagabi,” aniya at sinundan ng pag-ngisi. Nabilaukan ako sa kanyang sinabi kaya agad akong uminom ng tubig. Alam ko na ang ibig niyang sabihin. Literal na k
