BIANCA
Gabi na nang dumating sina Jake galing sa headquarters. Dumaan lang siya dito sa bahay saglit at magalang na nagmano sa mga magulang ko. Hinatid lang niya ang burger at Pepsi na pasalubong niya sa akin, saka umalis din agad para maghanda sa operasyon nila mamayang hatinggabi.
Nakamasid pala sa akin si Mama na agad lumapit nang makaalis ang bisita namin.
"Anak, talagang mabait na bata si Jake, alagang-alaga ka lagi," sabi ng aking ina na hindi maikakailang nakuha na ng boyfriend ko ang loob niya.
Napangiti ako dahil alam kong botong-boto kay Jake si Mama. Samantalang no comment naman si Papa, na alam kong hanggang ngayon ay pinag-aaralan pa rin ang ugali at kilos ng boyfriend ko.
Ang kambal naman ay obvious na malayo ang loob kay Jake, kaya kapag narito siya sa bahay at dumadala
