BIANCA
Magdamag akong walang tulog at umiiyak. Mugto na ang mga mata ko, masakit na rin ang lalamunan ko, pero hanggang ngayon ay hindi ko mapigilan ang mga luhang walang patid na tumutulo sa aking basang pisngi.
Ang sakit sa dibdib. Sobra akong nasaktan at paulit-ulit kong tinatanong ang sarili ko kung may nagawa ba akong hindi nagustuhan ni Jake o sadyang may kulang sa akin, kaya niya ako niloko ng ganito.
Hindi ko alam ang gagawin ko. Hindi rin ako makapag-isip ng maayos at wala akong gustong gawin ngayon kundi ang umiyak ng umiyak dahil sobrang sama ng loob na nararamdaman ko.
Narinig ko ang pagbukas at pagsara ng pintuan sa labas ng silid ko, hudyat na paalis na si ate para pumasok sa school na tinuturuan niya. Hindi niya ako ginising kasi ang akala niya ay tulog pa ako dahil hind
