BIANCA
Dumating ang buwan ng Marso, tumawag sa akin ang ina ni Jake na nagkaroon ng aksidente sa motor ang kanyang ama at hindi siya matawagan ng kanyang pamilya.
Alam kong nasa operasyon sa kabundukan ang grupo ni Jake, dahil nagpaalam siya sa akin na mahigit dalawang linggo silang mawawala. Liblib raw ang lugar na pupuntahan nila at walang signal, kaya hindi siya makakatawag o makakapag-text sa akin palagi.
Dahil nag-aalala ako sa kondisyon ng ama ni Jake, nagpaalam ako sa manager ko na uuwi sa probinsya kahit limang araw lang. Laking pasasalamat ko at pinayagan naman agad ako ng boss ko, kaya walang pagdadalawang-isip na umalis ako papuntang Mindoro.
Agad akong sumakay ng bus papuntang Batangas pier, at laking pasasalamat ko na pagdating ko ay may fastcraft nang paalis. Ang mahigit
