"Ang laki rin ng supermarket dito ha, hindi magpapahuli sa supermarket sa city." Iginala ni Wilma ang paningin sa palibot ng grocery. Mataas ang kisame nito at puti ang kulay, pati tiles ay puti rin.
"Bagong tayo lang 'to," tugon ko. Humila na ako ng push cart saka itinulak iyon patungo sa coffee section.
"Adik ka pa rin sa kape," natatawanb biro ni Wilma.
"Coffee is life," ganting biro ko. Dumampot ako ng mga brand na iniinom ko. "Kumuha ka na rin ng sa 'yo."
Dumampot si Wilma ng ilang box ng tea bags. "Alam mo naman ako, tea is life." Inilagay nito sa push cart ang tatlong tea boxes.
Lumipat kami sa kabilang lane kung saan ang milk section. Nagulat ako sa nakita kong nakatayo roon. "Felix?!" gulat kong sambit sa pangalan ng ex ko.
"Elaine, what a coincidence to see you here," sambi
