Naghabilin na lang ako kina Manang Delia kung ano ang mga gagawin sa mga araw na wala ako sa villa. Tumawag na rin ako kay Benj para magpaalam na doon muna ako sa parents ko habang wala siya at pumayag naman siya. Nakahinga ako nang maluwag. Pabor sa akin na doon muna mamalagi kaysa magtiis sa silid naming mag-asawa nang mag-isa. Matatahimik ako at walang magpaparamdam na multo sa akin.
Hindi na ako nagdala pa ng mga gamit dahil may mga naiwan pa naman ako sa bahay namin. Ako na rin ang nagmaneho ng kotse ni Wilma pabalil ng Maynila. Susunduin na lang daw ako ni Benj sa bahay ng parents ko at sabay kaming uuwi ng villa.
"Magpahinga na lang muna tayo maghapon tapos diretso tayo sa casino mamayang gabi," suhestyon ni Wilma. "Nasa hotel
