THIRD PERSON'S POINT OF VIEW
Pangalawang gabi na niya sa casino na iyon. Nanalo siya nang nagdaang gabi ng mahigit dalawang milyon, kaya itinaya niya lahat iyon maging ang extrang dala niyang tatlong milyon. Ibinili niya ng chips lahat, at ito na nag huling chips niya.
"Limang tig-one hundred thousand pesos na lang ang chips ko, galing pa sa utang. Kailangang manalo ako." Inilapag ni Benj ang isang one hundred thousand chip sa European Roulette table, number 10 ang napili niya.
Umikot ang roleta at nagpagulong-gulong ang maliit na roulette golden ball doon. Pahina nang pahina ang ikot ng roleta kaya't lalong naghuhumiyaw sa isip niya ang numerong tinayaan niya. "Ten... ten... ten! Ibigay mo ang number ten!" Nanlaki ang mga mata niya
