"Elaine, will you marry me?" tanong ni Benj habang nakaluhod sa harap ko. Narito kami ngayon sa isang mamahaling restaurant. Inaya niya akong mag-dinner. Akala ko'y simpleng dinner date lang iyon pero hindi ko akalaing magpro-propose siya ngayon sa akin. Pakiramdam ko'y nakalutang ako sa alapaap nang mga oras na 'yon.
"Benj," iyon lang nasambit ko. May namumuong luha sa mga mata ko tanda ng sobrang kaligayahan ko.
"I know, medyo mabilis ang pag-alok kong ito," maagap na tugon niya. "Dalawang buwan pa lang tayong official na magkarelasyon, pero sigurado ako sa nararamdaman ko. Ikaw ang babaeng nais kong makasama habambuhay." Hawak nito ang nakabukas na kahita, naroon ang diamond ring at naghihintay na suotin
