"Virgin ka pa ba?"
Napasinghap ako sa tanong ni Ailee, agad ko siyang hinampas ng unan. Kahit kailan talaga ang babaeng 'to, hindi marunong magkontrol ng bibig.
"Malamang oo, ano ka ba? Ikaw nga diyan eh, baka ikaw pa ang sumusugod kay Tiger," pang-aasar ko sa kaniya. Napangiwi siya sa sinabi ko.
"Ano ka ba? Walang magaganap na gano'n sa'min ni Tiger dahil mas inosente pa 'yon sa'kin," napapailing na sabi niya.
"...saka ako ang mas nagmamahal sa'ming dalawa," sabi niya saka napabuntong hininga. Napatingin ako sa kaniya dahil seryoso na ang boses niya sa pagkakataong 'to.
"Ano ka ba? Praning ka na naman, paano ka naman nakakasiguro na ikaw ang mas nagmamahal? Baka mga magulat ka na lang 'yong pagmamahal mo kay Tiger kalahati lang ng pagmamahal niya sa'yo eh," sabi ko at tinapik tapik
